МЭДЭЭЛЭЛ

Сумын ИТХ-ын ээлжит бус X хуралдаан 2025.10.06-ны өдөр 100 хувийн ирцтэй зохион байгуулагдлаа.

ИТХ-ын ээлжит бус X хуралдаанаар дараах 2 асуудлыг хэлэлцэхээр баталсан. Үүнд:

1. Сумын Засаг даргад нэр дэвшүүлэх

2. ИТХ-ын дарга Ц.Сүхбаатарын хүсэлт

Хэлэлцэх асуудлын дараалал ёсоор:

1. Сумын Засаг даргад ИТХ дахь МАН-ын бүлэг төлөөлөгч И.Навчсайханы, АН-ын бүлэг төлөөлөгч Ө.Жавхлантөгсийн нэрийг дэвшүүлж, санал хураалтын дүнгээр төлөөлөгч И.Навчсайхан 12 санал буюу 48%, төлөөлөгч Ө.Жавхлантөгс 13 санал буюу 52%-ийн санал авлаа. Олонхийн санал авсан төлөөлөгч Ө.Жавхлантөгсийг сумын Засаг даргад нэр дэвшсэнд тооцсон тогтоолыг баталж, холбогдох хуулийн дагуу Сэлэнгэ аймгийн Засаг даргад хүргүүлэхээр шийдвэрлэлээ.

2. ИТХ-ын дарга Ц.Сүхбаатарын өөрийн хүсэлтээр ИТХ-ын даргын сонгуульт ажлаас чөлөөлөгдөх хүсэлтийг хэлэлцэж шийдвэрлэлээ.

ИТХ-ын дарга чөлөөлөгдсөнтэй холбогдуулан МАН-ын бүлэг төлөөлөгч Э.Эрдэнэбатыг нэр дэвшүүлж, санал хураалтад өрсөлдөгчгүйгээр оролцлоо. Санал хураалтын дүнгээр төлөөлөгч Э.Эрдэнэбат 22 санал буюу 88%-ийн саналаар сумын ИТХ-ын даргаар сонгогдож, ИТХ-ын даргын тамгыг хүлээн авлаа.