ЗАЛРУУЛГА МЭДЭЭЛЭЛ

Сумын ИТХ-ын 9 дүгээр хуралдаанд 2025.09.19-ний өдөр хуралдаж 24 төлөөлөгч 96 хувийн ирцтэй оролцсон. Уг хуралдаанаар сумын Засаг даргад нэр дэвшүүлэх асуудлыг хэлэлцэж, санал хураалтын дүнгээр ИТХ-ын төлөөлөгч И.Навчсайхан 12 санал буюу 50%, төлөөлөгч Ө.Жавхлантөгс 11 санал буюу 45.8%, хүчингүй 1 санал буюу 4.2% байсан.

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 56 дугаар зүйлийн 56.5.2-т нийт төлөөлөгчдийн олонхын /50+1/ санал авсан хүнийг Засаг даргад нэр дэвшүүлэх гэж заасан.

Монгол хэлний их тайлбар тольд ОЛОНХ гэдгийг ямар нэгэн зүйлийн хагасаас илүү хувийг эзэлж байгаа, дийлэнх, ихэнхийг хэлнэ гэж тайлбарласан байдаг.

Иймд ИТХ-ын 9 дүгээр хуралдаанаар баталсан шийдвэр нь дээрх хуулийн шаардлагыг хангаагүй байх тул 10 дугаар хуралдаанаар уг асуудлыг дахин хэлэлцэж шийдвэрлэлээ.